Servicevert

I Sykkylven kommune er det ledig stilling som servicevert ved Sykkylven bu- og aktivitetssenter. 

Her er eksempler på arbeidsoppgåver du kan få. Vi finn ut etter kvart kva for arbeidsoppgåver som passer best for deg og kva oppgåver du skal jobbe mest med. Du vil få god oppfølging og opplæring: 

• Kjøkkenoppgåver: Hjelpe til på postkjøkken, smøre mat og ta oppvask, køyre middagstraller og andre varer frå kjøkkenet
• Reinhaldsoppgåver: Reie opp og vaske senger på bebuarrom, leggje på plass arbeidsklede, sengklede og handklede 
• Bebuarkontakt: Servere mat til pasientane, vere i aktivitet med pasientane, som å gå tur, lese og spele

Sykkylven bu- og aktivitetssenter har totalt 85 plasser som er fordelt på institusjon og leiligheiter med heildøgns omsorg. Omsorgssenteret har eit eige produksjonskjøkken.

Arbeidsoppgåvene blir i bufellesskapa. Det er to etasjer med tre bufellesskap i kvar etasje. Alle bufellesskapa har eige postkjøkken og det bur 26-28 pasientar i kvar etasje.

KVALIFIKASJONSKRAV

• Du må vere motivert for jobben 
• Du må møte i tide
• Du må vere god til å lytte 
• Du må vere flink til å halda orden
• Du må kunne jobbe litt sjølvstendig

STILLINGSSTORLEIK

Det er ledig 50-100 % stilling. Stillingsstorleiken tilpassast etter arbeidsgivar og søkers ønske og behov.  

Arbeidstid vil vere dagtid, med oppstart kl. 08.00

LØNN

Du beheld uføretrygda di. I tillegg får du lønn av arbeidsgjevar tilsvarande 20 % av samanlignbar tarifflønn (dette vil vanlegvis utgjere litt over 30 kroner pr time).

Den som er aktuell for jobben får først tilbud om ein praksisperiode på fire veker, for deretter tilbod om fast jobb om alt går som forventa. Du vil i praksisperioden motta eit honorar frå HELT MED.

Dato for ordinær jobb vil bli nærmare avtalt.

OM ARBEIDSGJEVAR

Sykkylven ligg sentralt i hjartet av Sunnmørsalpane og har ca. 7 800 innbyggjarar. Sykkylven har eit godt utbygd barnehage- og utdanningstilbod med vidaregåande skule, eit breitt og aktivt idretts- og kulturliv og eit framgangsrikt næringsliv.

Bygda og kommuneorganisasjonen set fokus på å vere opne, innovative og venlege i all framferd og planlegging, med ei solid forankring i bygda si rike historie og gode tradisjonar. Skaparglede er bygda sin visjon.

Sykkylven kommune er stolt over å ha inngått avtale med HELT MED om etablering av arbeidsplassar for personar med utviklingshemming.